Ĉu ankoraŭ frostas en via regiono ? Tuj venu al la Mediteranea Maro, kie floras mimozoj kaj migdalarboj ! Vin atendas amika familia etoso, belegaj pejzaĝoj, bona ripozo kaj lazura maro... Dum la Mediteranea Esperanto-Semajno (MES), ĉiu povis sekvi kursojn je ĉiu nivelo, en amika kaj familia etoso proksime de la Mediteranea marbordo.

Kursoj okazis ĉiumatene :

• 1-a nivelo - Vera komencanto - Christine Graissaguel
• 2-a nivelo - Komenc-parolanto - Elisabeth Le Dru
• 3-a nivelo - Progres-parolanto - Pavla Dvorakova
• 4-a nivelo - Diskuto/analizo - Mikaelo Bronŝtejn

Liberaj posttagmezoj por : bankuracado en proksima marakva banejo (800m), vizitado de Fréjus (klostro), Saint-Raphaël (muzeo), Nico, Menton, Maures-monteto (mimozo kaj piedekskursado), Saint-Tropez, Sainte-Maxime, Bormes-les-Mimosas, bazaro en Ventimiglia (Italio, nur vendrede), ktp.

La restado en la Rezidejo Vacanciel « Val d’Esquière » inkluzivas ĉiujn manĝojn, kaj spektakloj estas proponitaj vespere.