Paro el Brazilo (ili vivas je 250 km de San Paŭlo) vizitis Provencon, parte sole parte ĉe esperantistoj. Ili vizitis Marseille, Aix-en-Provence, La Ciotat kaj ĉirkaŭaĵojn.
Ili senlace laŭdis la avantaĝojn de Esperanto, ĉar vizitante esperantistojn, ili vidas kiel ili vivas, kion ili manĝas (familiaj manĝoj ne similas restoraciajn), vizitas vilaĝojn aŭ urbetojn (dum «kutima turisto» haltas nur en grandaj urboj), interŝanĝas pri la landoj, la politiko, ekonomio, edukado ks.
Amika pikniko okazis en La Ciotat la 25an ; sabate la 29an, ili vizitis Le Camp, Le Beausset (kaj estis varme akceptitaj ĉe la Turismoficejo) kaj sub ĉiĉeronado de Maryse, nova esperantistino, ili promenis tra la krutaj stratetoj de La Cadière ! Kaj unuafoje vidis vinberojn sur vitoj !