Espéranto-Provence

Esperanto en Var-Matin

pascal — 2022-12-01T10:02:56Z

Fine de septembro 2022 estis kreita nova konversacia rondo, «Esperanto-kafumado», en Lorgues (83), iniciatita de Jean-François Cousineau.
Ĉi tiu rendevuo okazas ĉiumonate la lastan ĵaudon, ekde la 17-a, en la kafejo-restoracio «Carnets de voyage», 12 avenuo Allongue, en Lorgues.

Ĉi-okaze, la redakcio de Var-Matin proponis al Jean-François longan intervjuon, publikigitan dimanĉon la 6-an de novembro en la rubriko «Var-Teritorioj - La dimanĉa portreto».

La unua kunveno okazis en amikecplena etoso ĵaŭdon la 29-an de septembro 2022.
Se vi havos okazon pasi tra Lorgues iun lastan monatĵaŭdon, ne hezitu aldoniĝi al la grupo, kiu plezure akceptos vin (sen krokodili !).

26-a de julio : Tago de Esperanto, monda lingvo por dialogo kaj paco.

pascal — 2022-07-20T19:32:48Z

Jen mesaĝo de UEA okaze de la Esperanto-tago, 26 julio 2022 : amikeco kaj justeco inter ĉiuj popoloj

En 1887, L. L. Zamenhof publikigis la unuan libron pri Esperanto. Pro tio ni ĉiujare festas la 26-an de julio, la tagon de tiu eldono, kiel la naskiĝtagon de la internacia lingvo Esperanto.
Zamenhof revis pri mondo kie la popoloj libere konatiĝu kaj komunikiĝu sur neŭtrala fundamento : «Terure altaj kaj dikaj estas ankoraŭ la interpopolaj muroj, kontraŭ kiuj ni batalas.» Tamen, post 135 jaroj, kaj malgraŭ la laboro de Zamenhof, la muroj restas altaj kaj dikaj.

Malegaleco inter lingvoj estas inter tiuj muroj. Lingvo estas ĉie en nia ĉiutaga vivo. Ĝi estas la plej grava ilo por homa interrilato, eĉ se ni ne kutime pensas pri tio. Pro tio, ni ankaŭ festas la Esperanto-tagon kiel la tagon de lingva justeco.

Nia asocio disvastigas kaj antaŭenigas Esperanton, ne nur ĉar ĝi estas taŭga ilo por internacia komunikado, sed ĉar ĝi alproksimigas nin en paco. Por ni, la spirito de Esperanto estas amikeco kaj justeco inter ĉiuj popoloj. Tiun spiriton ni kunligas kun la celoj de Unuiĝintaj Nacioj kaj Unesko.

Lingva diverseco estas unu el la riĉaĵoj de la mondo. Pro tio ni aparte bonvenigas la Internacian Jardekon de Indiĝenaj Lingvoj, iniciatitan de UN kaj Unesko.
La Jardeko estos la temo de la 107-a Universala Kongreso de Esperanto, en Montrealo la 6-an ĝis la 13-an de aŭgusto 2022. Protektado kaj progresigo de indiĝenaj lingvoj kaj kulturoj estas fundamenta por nia repaciĝo kun la Tero kaj ties multspeciaj loĝantoj.

Per lastatempa rezolucio, la Ĝenerala Asembleo de Unuiĝintaj Nacioj denove emfazis la gravecon de multlingvismo kaj honorado de la lingvoj de la mondo. Ne sufiĉas instrukcii al la mondo per la grandaj lingvoj ; necesas aŭskulti la voĉojn eĉ de la plej malgrandaj. Jen rolo por Esperanto, kiel ligilo inter ĉiuj mondaj lingvoj.
Nur la plej ampleksa dialogo inter ĉiuj popoloj de la mondo, per multlingvismo kaj per Esperanto, ebligos plenumi la Celojn por Daŭripova Evoluigo, renovigi multflankismon, kaj labori laŭ la vortoj de Zamenhof : "Rompu, rompu la murojn inter la popoloj.” En tiu senco ni konstruu pacon per homaj rajtoj kaj per evoluigo por ĉiuj, kaj ni tion faru en spirito de kunlaboro kaj amikeco.

La danĝera lingvo, de Ulrich Lins, en la franca.

pascal — 2022-07-04T16:39:31Z

«La Danĝera Lingvo» estas historia studo pri la persekutoj kontraŭ Esperanto originale verkita en Esperanto de la historiisto kaj japanologo Ulrich Lins en 1988 kaj plurfoje reeldonita, laste en 2016.

En la historio de Esperanto, krom obstakloj kaj kalumnioj kaj subpremoj, ekzistis ankaŭ malpermesoj kaj persekutoj.
La libro pritraktas la persekutojn kontraŭ la Esperanto-movado, precipe en la nazia Germanio kaj en stalinisma Sovetunio, sed 32 paĝoj estas dediĉitaj ankaŭ al persekutoj en Orienta Azio : Ĉinio, Japanio, Koreio kaj Tajvano.

Pro tiu ĉi verko la aŭtoro ricevis la OSIEK-premion de la Organiza Societo de Internaciaj Esperanto-Konferencoj en 1993.

La franca traduko, kiu ĵus aperis, estas traduko de la teksto de 2016.
Tiu teksto estis plene reviziita kaj pliriĉigita danke el fontoj alireblaj post la forfalo de la Berlina Muro.
Ĉi tiu franca versio estas frukto de laboro de tuta esperantistaro, kiu dum du jaroj kaj duono tradukis, reviziis kaj plibonigis la tekston, respektante la aŭtoran stilon.
Kompletigas la tekston multnombraj notoj kaj referencoj.

La francan tradukon kunordigis Dieumegard.

Jen la unua kaj kvara paĝoj de la franca versio.

La libro est disponebla ĉu en papera versio (475 paĝoj, formato A5) ĉu en PDF-formato.

Eblas mendi ĝin ĉe via librovendejo...
aŭ rekte ĉi tie en la retbutiko de la eldonejo l'Harmattan

Claude Nourmont forlasis nin.

pascal — 2022-03-04T22:24:00Z

Je la 25-a de februaro 2022 forpasis Claude Nourmont.

Jam de pli ol 40 jaroj, ŝi loĝis en Luksemburgujo kun sia edzo, la brita esperantisto Brian Moon.
Claude naskiĝis la 23-an de oktobro 1945 en Rouen (nord-okcidenta Francujo).

Profesie ŝi laboris kiel instruistino.

Inter 1975 kaj 1977 ŝi estis prezidanto de TEJO.
Poste ŝi estis elektita ĝia honora prezidanto.
Ŝi aktivis ankaŭ por STELO (Studenta Tutmonda Esperanto Ligo).
Dum pluraj jaroj ŝi estis komitatano (C kaj A por Francujo) de Universala Esperanto-Asocio (UEA). Krome ŝi estis vicprezidanto de tiu institucio de 2004 ĝis 2013 kaj prezidanto de LKK por la Universala Kongreso en Montpellier en 1998.
Posedante loĝejon en Aix-en-Provence, Claude estis membro de nia federacio Espéranto-Provence.

Ŝi kunlaboris kun pluraj Esperantaj gazetoj. De 2005 ĝis 2022
ŝi respondecis pri la arta rubriko de la revuo «Monato».
Ekde 2003 ŝi estis redaktoro de «Le Monde de l'Espéranto», dulingva gazeto de Espéranto-France.
Ŝi ankaŭ kontribuis por la periodaĵo «La Ondo de Esperanto».

En sia nekrologa artikolo, la retejo «Edukado.net» trafe resumis la gravecon de Claude Nourmont por la esperantista komunumo : “Claude estu modelo por ni pri sindediĉo kaj sindonemo, senlacaj laboregoj por la movado”.

Ni esprimas niajn kondolencojn al ŝia edzo, ŝiaj familianoj kaj al ĉiuj amikoj kaj samideanoj, kiuj konis ŝian malavaran sindonemon.

(parte el la Fejsbuka paĝo «Esperanto Ilustrita»)

EsKu - Esperanto-Kulturo - nia Jutuba kanalo

thierry s — 2021-10-29T09:05:20Z

EsKu - Esperanto-Kulturo - estas JuTuba kanalo dediĉita al nia kulturo kaj nia movado.

La celo de EsKu estas inkluzivi filmetojn rilatantajn al diversaj aspektoj de la Esperanta Kulturo, historiaj kaj nuntempaj.

La historiaj temoj inkluzivas pra-esperantajn lingvojn, la vivon de Zamenhof, Universalajn Kongresojn, Esperantajn organizaĵojn, gravajn aŭtorojn, malkonsentojn en la Esperanta movado, interalie...

La nuntempaj aspektoj de la Esperanta Kulturo estas pritraktitaj dank' al serio de intervjuoj de diversaj spertuloj.

La kanalo estis lanĉita de Pascal Vilain kaj Thierry Spanjaard.

La EsKu kanalo estas atingebla ĉi tie. Ne hezitu tuj aboni al la kanalo por certi nenion maltrafi.

2021-02-21 - Internacia Tago de la Gepatra Lingvo

pascal — 2021-02-07T18:00:18Z

MESAĜO DE UEA OKAZE DE LA INTERNACIA TAGO DE LA GEPATRA LINGVO, 21 FEBRUARO 2021

La celo liveri bonkvalitan edukadon al ĉiuj – la kvara el la deksep Celoj por Daŭripova Evoluigo – postulas etoson de fido kaj subteno de ĉiuj partioj : instruistoj, studentoj, politikistoj kaj oficialaj klerigaj instancoj. Tia etoso siavice postulas, ke studentoj havu la plej bonajn situaciojn por lerni. Unuavice, tio signifas lernadon en lingvo kiun ili plene komprenas – nome la gepatra lingvo.

Unuiĝintaj Nacioj proklamis la jaron 2021 la Internacia Jaro de Paco kaj Konfido. Bona komencopunkto de tia iniciato estas lernejoj.

En multaj landoj kaj cirkonstancoj, infanoj ne estas instruataj en la propraj lingvoj kaj oni malmulton faras por helpi ilin transiri al la lingvo de instruado. Tio ofte malavantaĝas ilin tutvive, nuligante la pozitivon de lerneja ĉeesto, de kompetenta instruado kaj de investo en lerneja infrastrukturo. Sen instruado de lernantoj en lingvo kiun ili komprenas, ni forĵetas monon kaj, kun ĝi, promesplenajn vivojn.

La ĉefa celo de la Internacia Tago de la Gepatra Lingvo estas emfazi la edukajn avantaĝojn de uzado de la gepatra lingvo en lernejoj, precipe elementaj lernejoj. Infanoj lernas legi kaj skribi pli rapide en lingvo kiun ili plene scipovas. Ili spertas malavantaĝon se ili devas komenci sian lernadon en lingvo kiun ili ne scipovas, parte aŭ komplete.

La Internacia Tago de la Gepatra Lingvo memorigas nin ankaŭ, ke en multaj mondopartoj al tutaj lingvoj mankas oficiala statuso, oni diskriminacias kontraŭ iliaj parolantoj kaj oni malatentas iliajn kulturajn valorojn.

La lastatempa Monda Festivalo de Esperanto kunvenigis milojn da Esperanto-parolantoj en trimonata virtuala aranĝo. Ĝia fina rezolucio enhavis deklaron ke Unuiĝintaj Nacioj kaj Unesko devus krei “pli inkluzivan lingvopolitikon, se ili volas mobilizi la tutmondan socion ĉirkaŭ siaj celoj.” La subteno kiun Unesko dediĉas al edukado en la gepatraj lingvoj de infanoj estas bona ekzemplo de tia inkluziva politiko ĉar ĝi portas lernadon al la studentoj anstataŭ porti la studentojn al lernado. Tion farante, ĝi igas ilin pli bonaj kaj pli totalaj partoprenantoj en paca kaj justa socio.

En la nuna tempo, tempo de pandemio, estas aparte grave, ke la klerigo de infanoj inkluzivu ankaŭ la gepatrojn kiel partnerojn en la edukado – kaj tio en si mem eble necesigos edukadon en la gepatra lingvo, en lingvo kiun gepatroj kaj infanoj dividas inter si kiel parton de sia heredaĵo.

UEA kredas je edukado por ĉiuj en lingvoj kiujn ili komprenas, je lingva justeco en ĉiuj ties aspektoj kaj en mondo pli paca pro edukado kaj interkompreno. Nia Asocio laboras tiucele en ĉiu angulo de la mondo, kunligite de la Internacia Lingvo Esperanto. Ni alvokas al Unuiĝintaj Nacioj, Unesko kaj ĉiuj, kiuj kunlaboras por atingi daŭripovan mondon, ke ili plenumu Celon 4 por Daŭripova Evoluigo kaj la scion, egalecon, justecon kaj perspektivon kiun tia atingo alportus.

Ni promesas nian subtenon en tiu klopodo kaj atentigas pri la valoro de la Internacia Lingvo Esperanto por atingi homojn en multaj landoj per mesaĝoj kiel tiu ĉi de la Internacia Tago de la Gepatra Lingvo – valoro kiun Unesko jam spertas per sia admirinda eldonado de verkoj ankaŭ en Esperanto.

2020-10-1/4 - KAEST : Reta Konferenco pri Aplikoj de Esperanto en Scienco kaj Tekniko

thierry s — 2020-09-27T16:59:55Z

KAEST2020, la Reta Konferenco pri Aplikoj de Esperanto en Scienco kaj Tekniko (1-4 de oktobro 2020) : https://kaest.ikso.net/2020/ La 2020a temo estas “Scienco kaj tekniko kiel rimedoj por efektivigi daŭripovan evoluon”.

Oni povas rigardi bonegan filmeton pri diversaj scienckampoj kiu enhavas klarigojn de altnivelaj esploristoj kaj esperantistoj. Esperantujo estas plena je sciencemuloj ! 12 esperantistoj rakontas pri siaj fakoj (astrofiziko, molekula medicino, teoria komputiko, robotiko, matematiko, sociologio, fiziko kaj pluraj aliaj).

https://www.youtube.com/watch?v=PlbMPEvaUFQ

Samokaze oni povas sininteresi pri pluraj Jutubaj kanaloj kiuj traktas pri sciencoj en Esperanto :

Scivolemo (mallongaj dokumentaĵoj) - https://www.youtube.com/c/Scivolemo/
D-r^o Loĉjo (ĉefe kosma fiziko) - https://www.youtube.com/channel/UCSE4dWlC9CWL4TEdqnaAEww
Facilas (matematiko) - https://www.youtube.com/channel/UCVI_WkwNNQTblC-rjakMFkQ
Nenion plu (literaturscienco kaj pli) - https://www.youtube.com/channel/UC17b78n-xGL1213eYVJFgew
kern.punkto (la podkasto estas ege pli granda ol la kanalo) - https://www.youtube.com/channel/UCVKivSw1Kr7rhOtPcciEBWg

Konferenco pri Aplikoj de Esperanto en Scienco kaj Tekniko (KAEST) estas serio de seminarioj kaj konferencoj ekzercantaj scienc-teknikan aplikon de esperanto okazantaj sur la teritorio de hodiaŭaj Ĉeĥio kaj Slovakio. Inter 1978 kaj 1989 organizis ilin la scienc-teknika sekcio de ĉeĥoslovakaj esperantistoj, tiam sub la mallongigoj AEST aŭ SAEST (Seminario pri Apliko de Esperanto en Scienco kaj Tekniko). Post paŭzo ekde 1998 daŭrigis la organizadon Ĉeĥa Esperanto-Asocio kunlabore kun la agentejo KAVA-PECH. Ekde 2010 transprenis la organizadon E@I.
En 2020 ĝi unuafoje estos virtuala evento.
La ĉeftemo de KAEST 2020 estas : “Scienco kaj tekniko kiel rimedoj por efektivigi daŭripovan evoluon”.

2020-07-26 : Esperanto-Tago

pascal — 2020-07-25T17:20:01Z

Ludwick Lejzer Zamenhof, 28-jara, publikigis la Unuan Libron, kiu donis la bazojn de Esperanto.
La unua ruslingva eldono aperis mardon la 26an de julio 1887, en Varsovio.

Rapide sekvis alilingvaj versioj, en la germana, franca kaj pola.

2020 - 07/08/09 : Monda Festivalo de UEA

pascal — 2020-07-21T17:23:27Z

Nuligo de la Universala Kongreso de Esperanto, kiu devis okazi la unuan semajnon de aŭgusto en Montrealo, Kanado, produktis inversan respondon : okazas pli multa agado en la Esperanto-mondo ol iam antaŭe – kaj ĝi efektive rondiras la mondon.

Lanĉite la 20an de junio, trimonata virtuala Monda Festivalo de Esperanto ne nur inkluzivas tutan serion da aranĝoj ligitaj al Unuiĝintaj Nacioj, sed kunligas multajn aliajn aktivecojn de pluraj aliaj organizoj.

La esperantista instruista ligo ILEI okazigas sian unusemajnan jaran kongreson rete, tiel multigante la nombron de partoprenantoj longe preter la nombroj atenditaj por surloka konferenco.

La 76a Internacia Junulara Kongreso havas similajn atendojn – kaj pli kaj pli da organizoj kaptas la okazon de tiu tutmonda festivalo, kiu entenos prelegojn, diskutojn, artajn aranĝojn, koncertojn, kaj multajn aliajn okazojn por aŭdi kaj paroli Esperanton.

La Universala Kongreso de Esperanto tamen okazos kiel virtuala aranĝo de la 1a ĝis la 8a de aŭgusto.

Pri estontaj aranĝoj vidu https://mondafest.net/programo/

Ĉio per komputilo kaj poŝtelefono

thierry s — 2019-12-03T22:49:53Z

Espéranto-Provence kompilis liston de ligiloj por helpi vin malkovri la riĉecon de la internacia lingvo kaj la multajn rimedojn troveblajn ĉe Interreto.

Organizaĵoj por Esperantistoj

Tutmondaj

Universala Esperanto-Asocio - https://uea.org
SAT - http://www.satesperanto.org/
Esperanta Civito - http://www.esperantio.net/
TEJO - Tutmonda Esperantista Junulara Organizo - https://www.tejo.org

Eŭropaj

Eŭropa Esperanto-Unio - https://www.europo.eu/eo/chefpagho
Francaj
Espéranto-France - https://esperanto-france.org
JEFO – Junulara Esperanta Franca Organizo - https://esperanto-jeunes.org
SAT-Amikaro- http://www.sat-amikaro.org

En nia regiono

Espéranto-Provence - https://provenco.esperanto-france.org/
Espéranto Marseille - http://esperanto.marseille.over-blog.com

Fakaj asocioj

Por instruistoj

ILEI – Internacia Ligo de Esperantistaj Instruistoj - https://www.ilei.info
FEI – Franca Esperanto-Instituto - http://www.franca-esperanto-instituto.net

Por fervojistoj

IFEF – Internacia Fervojista Esperanto-Federacio - http://ifef.free.fr/spip/

Por naturamikoj

Esperanta naturamikaro - https://eo-naturamikaro.webnode.nl

Por kuracistoj

UMEA - Universala Medicina Esperanto-Asocio - http://umea.fontoj.net

Por sciencistoj

AIS – Akademio Internacia de la Sciencoj, San-Marino - http://www.ais-sanmarino.org
ISAE – Internacia Scienca Asocio Esperanta - https://www.scienca-asocio.com

Por vojaĝemuloj

Pasporta Servo - https://www.pasportaservo.org

Por naturistoj

INOE – Internacia Naturista Organizo Esperantista - https://www.esperanto-naturismo.org

Lernado

Kursoj

Edukado.net – paĝaro por instruistoj, kursgvidantoj kaj memlernantoj - https://edukado.net
Lernu ! - https://lernu.net/eo
Kurso de Esperanto - http://www.kurso.com.br/
Duolingo - https://en.duolingo.com/course/eo/en/Learn-Esperanto
L'espéranto en 12 jours - https://learn.esperanto.com/fr/
Espéranto pour débutants (français) - https://www.50languages.com/phrasebook/fr/eo/
Cours d'espéranto radiodiffusés pour débutants - https://esperantobourgenbresse.wordpress.com/emissions-de-radio-sur-rcf-et-radio-b/cours-desperanto-radiodiffuse-pour-debutants/

Staĝejoj en Francio

Grésillon - http://gresillon.org/
Kvinpetalo - http://www.kvinpetalo.org

Staĝejoj eksterlandaj

SES - https://ses.ikso.net/2020/eo/

Lernobildoj

http://www.retejo.net/lernobildoj.html

Vortaroj ĝeneralaj

Reta Vortaro - http://www.reta-vortaro.de/revo/
Plena Ilustrita Vortaro de Esperanto - http://vortaro.net/

Vortaroj fakaj

Pri komputiloj - https://komputeko.net/
Pri bicikloj - http://bemi.free.fr/biciklo/
Pri fotografio - http://www.eventoj.hu/steb/vortaroj/fotografio/fotografio.htm
Pri gastronomio - http://www.eventoj.hu/steb/vortaroj/gastronomia-terminaro-jarlibro-1958.pdf
Pri betono kaj betonistaj laboroj - http://www.eventoj.hu/steb/ingxenierado/konstruado/beton-termin.htm
Pri maro kaj ŝipoj - http://www.eventoj.hu/steb/vortaroj/maro-sxipo-finkel.htm
Pri medicino - http://vortareto.free.fr/dictionnaire/esp-fr
Pri landoj kaj lingvoj - https://bertilow.com/lanlin/alfabete.html
Pli slango kaj ĵargono - http://www.eventoj.hu/steb/vortaroj/slango-kaj-jxargono.html
Pri tabuaj vortoj - http://i-espero.info/files/elibroj/eo%20-%20alos%20&%20velkov%20-%20tabuaj%20vortoj%20en%20esperanto.pdf aŭ http://lsgesperanto.org/wp/wp-content/uploads/2018/08/TABUAJ-VORTOJ-EN-ESPERANTO.pdf
Pri GLATaj temoj – pere de la grupo « GLATaj esperantistoj » ĉe Fejsbuk
Listo de fakaj vortaroj - http://www.eventoj.hu/steb/vortaroj/index-vortaro.htm
Kaj pli da vortaroj ! - http://www.esperanto.net/veb/

Tradukiloj

Glosbe - https://glosbe.com
ViVo : Vikia vortaro - http://kono.be/vivo/
Google translate - https://translate.google.com/

Gramatikilo

PMEG - Plena Manlibro de Esperanta Gramatiko - https://bertilow.com/pmeg/

Akademio

Akademio de Esperanto - http://www.akademio-de-esperanto.org/

Facilaj artikoloj

Facilaj artikoloj en Esperanto - https://uea.facila.org

Libroj kaj aliaj verkoj

Verkoj - http://verkoj.com
I-espero - http://i-espero.info/elsutaro/esperantaj-libroj
Biblioteka Uniwersytecka - https://dlibra.kul.pl/dlibra/results?q=esperanto&action=SimpleSearchAction&type=-6&p=0
Elektronikaj libroj - http://www.majkel.de/esh/pages/esperanto/e-libroj.php

Informoj pri Esperantujo

Kalendaro

Eventa servo - https://eventaservo.org
Eventoj - http://www.eventoj.hu

Informiloj
_* Listo de esperantaj retpaĝoj - http://lalder.net

Folio - https://www.liberafolio.org
Facila vento - http://facila.org/
Vikipedio - https://eo.wikipedia.org/wiki/Vikipedio:Ĉefpaĝo
Novaĵoj (Studio) - http://novajhoj.weebly.com
Neniam milito inter ni - http://neniammilitointerni.over-blog.com
Global Voices - https://eo.globalvoices.org
Le Monde Diplomatique - https://eo.mondediplo.com
Vikinovaĵoj - https://eo.wikinews.org/wiki/Ĉefpaĝo

Revuoj

En la Franca

Le monde de l'Espéranto - https://esperanto-france.org/le-monde-de-l-esperanto
Espéranto-Info - https://esperantoinfo.info

En Esperanto

Revuo Esperanto - https://uea.org/revuoj/esperanto
Monato - http://www.monato.be
La Ondo de Esperanto - http://esperanto-ondo.ru/Ind-ondo.htm
La Lampiro - http://easp.org.br/asocio/lampiro/

Radio kaj televido

Esperanto-TV - https://esperanto-tv.com/
Esperanto.net : Emissions en espéranto - https://esperanto.net/fr/emissions-en-esperanto/
Pola Retradio - http://pola-retradio.org
Muzaiko - http://muzaiko.info/
3ZZZ- http://melburno.org.au/3ZZZradio/
Ĉina Radio Internacia - http://esperanto.cri.cn/index.htm

Filmoj

Tubaro - https://tubaro.aperu.net
Retejo / filmoj http://www.retejo.net/filmoj.html
JuTubo - https://www.youtube.com – oni trovas tunojn da filmoj kaj filmetoj pri kaj en Esperanto ĉe JuTubo

Muziko

Muzikaroj

Vinilkosmo - https://www.vinilkosmo-mp3.com/fr/
Musique en espéranto - http://esperanto-panorama.net/franca/muziko.htm
Tekstoj de kantoj - http://www.tekstoj.nl/esperanto/kantoj/index.htm

Artistoj

Vojaĝo - https://www.vojagxo-muziko.fr/eo/groupe-eo.html
Gijom' Armide - https://www.jamendo.com/artist/478152/gijom-armide

Muzeoj

Esperantomuzeo - https://www.onb.ac.at/eo/museen/esperantomuzeo
Nacia Esperanto Muzeo - https://www.jamendo.com/artist/478152/gijom-armide

Retejoj de aŭ pri famaj esperantistoj

Bertilo - https://bertilow.com/bertiloblogo/
Claude Gacond - https://www.esperanto-gacond.ch
Claude Piron - http://claudepiron.free.fr/index.htm

Interesaj blogoj

Scivolemo : scienca blogo en Esperanto - https://bertilow.com/bertiloblogo/
Kern punkto : podkasto - https://kern.punkto.info
Bonan apetiton - https://apetito.ikso.net

Pri komputiloj kaj retoj

Edukado@Interreto - https://ikso.net/eo/
Esperantaj klavaroj kaj karaktrojiKurso : Comment écrire en espéranto ? - https://ikurso.esperanto-france.org/helpo.php?section=kielskribi
Ek klavaro por Vindozo - http://www.esperanto.mv.ru/Ek/
Clavier français diacrité - https://michaellanglois.fr/fr/it/french-keyboard-with-diacritics-11a-mac_clavier-francais-diacrite-11a-mac/
Tajpi - Esperanto Keyboard for Windows 2000 / XP / Vista / 7 / 8 / 10 - http://www.zz9pza.net/tajpi/en/
Duolingo : Esperanto keyboards : all systems go ! - https://forum.duolingo.com/comment/8841170/Esperanto-keyboards-all-systems-go
Lingvo.org- Kiel tajpi supersignojn en Esperanto - https://lingvo.org/klavaro
Ecrire en espéranto avec les lettres accentuées - https://www.toulangues.org/spip.php?article1942
Microsoft Esperanta Klavaro - https://www.microsoft.com/en-us/p/esperanta-klavaro/9nblggh0f2hk?activetab=pivot:overviewtab
Type Esperanto characters - https://esperanto.typeit.org

Sociaj amaskomunikiloj

MiaVivo - https://www.miavivo.net

Fejsbuk grupoj - https://www.facebook.com
- Espéranto-Provence
- Esperanto
- Esperanto (Lingvo Internacia)
- UEA - Universala Esperanto Asocio
- Espéranto en France
- GLATaj Esperantistoj
- Libera Folio
- Komerca Uzo de Esperanto/ Commercial Usage of Esperanto
- Esperanto-Stacio
- Universala Kongreso en Montrealo
- Esperanto-kulturo
- Esperanto t-ĉemizoj-esperanto t-shirts
- Internacia Naturista Organizo Esperantista
MeWe - https://mewe.com/
- Esperanto grupo

Politiko

Eŭropo Demokratio Esperanto - https://www.e-d-e.org/?lang=eo

Babilejoj

Amikumu - https://www.e-d-e.org/?lang=eo
Esperantejo - http://esperantejo.com/
Telegramgrupoj - https://telegram.org
Esperantaj grupoj ĉe Telegramo - https://telegramo.org
- Esperantujo
- Muziko
- Filozofio
- Literatura babilejo
- Esperantologio
- Lingvemuloj
- Amikumu
- Duolingo
- Esperanto Ameriko
- Iranaj Esperantisoj
- Esperanto kaj Teĥniko
- Scienco
- Filmtekstfarado
- Français kaj Esperanto
- GLAT-aj esperantistoj
- Amo kaj pluramemo

Distraĵoj

Badabum- lerna ludo - https://babadum.com/play/?lang=24&game=1
Vortludo - https://vortludo.com/
Ludoj en Esperanto - http://mpovorin.narod.ru/ludoj/ludoj.html
Samopiniuloj - https://samopiniuloj.esperanto-jeunes.org/index.php
Amuzejoj - http://english.china.org.cn/world/shi-window/index10.htm
Sudoko - http://www.bertin.biz/index.php?titre=sudoko.htm

Por poŝtelefono

Lernado

Kursoj

Duolingo
Parler espéranto
Apprenez l'espéranto
Apprendre l'espéranto !
Esperanto Flashcards
Apprendre l'espéranto
Fast - Speak Esperanto
Learn Esperanto Phrases
Esperanto Grammar
Apprendre Esperanto Verbes

Vortaroj

Poŝa Reta Vortaro (iOS)
PReVo (Android)
Praktika vortaro (Android)
Ultralingua esperanto-anglais
Esperanto dictionnary

Asocio

Deutscher Esperanto

Klavaroj por Esperanto

Klavaro
Ĝusta klavaro
EoKlavaro
GBoard
Esperanto keyboard